|
O Centro de Competencias gaña o premio ETI ó desenvolvemento tecnolóxico
|
|
|
|
|
O Centro de Competencias en Comercio Electrónico de Galicia recibiu o 13 de febreiro o primeiro premio ó desenvolvemento tecnolóxico nos VII Premios ETI Galicia (Encontros de Tecnoloxías da Información), dentro da categoría de institucións. Os ETI, convocados por Computing, (revista estatal de Tecnologías da Información), PricewaterhouseCoopers e Sun Microsystems Ibérica, recoñecen o traballo de empresas e institucións en cada comunidade no eido do desenvolvemento e a innovación tecnolóxica.
O galardón foi compartido coa Deputación de A Coruña e o seu proxecto “Básico”. Ademais, nesta categoría, o Centro de Supercomputación de Galicia (CESGA) recibiu un accésit polo proxecto “Superordenador Virtual Galego” (SVG).
O traballo que dende hai un ano desenvolve o Centro de Competencias vese recompensado con este premio. Entre outras actividades, dende marzo de 2002, o Centro organizou numerosos cursos e conferencias de comercio electrónico, prestou asesoramento inicial a diversas PEMES galegas, publicou o informe e-Barómetro sobre comercio electrónico en Galicia e difundiu oito números de enegociogalicia.
 |
Javier García Tobío (1º esqd.) e o equipo do Centro de Competencias
|
¿Que fai o Centro de Competencias?
Fomentar, apoiar e asesorar as PEMES galegas no aproveitamento do comercio electrónico son as principais tarefas que realiza o Centro de Competencias en Comercio Electrónico de Galicia.
Para levalas a cabo, o Centro ofrece ós empresarios e persoal das PEMES galegas diversos servicios e actividades que se organizan en diferentes áreas:
- Dentro da área de Formación, ofrécense cursos e conferencias de comercio electrónico que percorren as sete principais cidades galegas. Os cursos están abertos a tódolos empresarios e persoal de PEMES galegas.
- O Observatorio traballa actualmente nos estudios e- Barómetro, relativos á situación da nosa comunidade e das súas PEMES no que atinxe a Internet e ó comercio electrónico.
- O servicio de Soporte asesora ás PEMES interesadas en poñer en marcha unha canle de venda pola Rede, poñéndoas en contacto con provedores.
- Por último, na área de Difusión enmárcanse a revista e-negociogalicia, cunha tiraxe de 7.000 exemplares, xunto á web do Centro: www.e-negociogalicia.com . Con estas dúas ferramentas, difúndense contidos e coñecementos de utilidade para empresarios cunha iniciativa de negocio electrónico.
No cadro de persoal do Centro, que coordina Ramón Basanta Cheda, traballan sete persoas, ademais de catro colaboradores.
O Centro de Competencias é unha entidade pertencente á Consellería de Innovación, Industria e Comercio da Xunta e apoiada polo CESGA, institución que dirixe Javier García Tobío.
|
|
|
|
Revista
|
|
| |
|
|
|
|
| |
| |
|
|
